Ուկրաինայի նախագահ Վլադիմիր Զելենսկին հայտարարել է, որ Պոլտավային ռուսական հարվածի հետևանքով 41 մարդ է զոհվել։
Հարվածն իրականացվել է երկու բալիստիկ հրթիռներով, հայտնել են Ուկրաինայի պաշտպանության նախարարությունից։ Չհաստատված տեղեկությունների համաձայն՝ գնդակոծության է ենթարկվել Ուկրաինայի զինված ուժերի ուսումնական կենտրոնը։
«Հարվածել են ուսումնական հաստատության և հարևան հիվանդանոցի տարածքին։ Մասամբ ավերվել է Կապի ինստիտուտի շենքերից մեկը: Մարդիկ մնացել են փլատակների տակ: Շատերին հաջողվել է փրկվել։ Ավելի քան 180 մարդ վիրավորվել է։ Ցավոք սրտի, կան շատ զոհեր»,- ասել է Զելենսկին իր Telegram-ի ալիքում:
Ռուս զինվորականները չեն մեկնաբանել հարվածի մասին լուրերը: Մարզային ռազմական վարչակազմի ղեկավար Ֆիլիպ Պրոնինը Պոլտավայի մարզում եռօրյա սուգ է հայտարարել։