Ակնհայտ անհիմն հայցադիմումի ընդունումը միանգամից կմերժվի
Արդարադատության նախարարի տեղակալ Արմենուհի Հարությունյանն Ազգային ժողովի պետաիրավական հանձնաժողովին է ներկայացրել «Պետական տուրքի մասին» օրենքում փոփոխություններ և լրացումներ կատարելու մասին» և «Քաղաքացիական դատավարության» օրենսգրքում լրացումներ և փոփոխություններ կատարելու մասին» օրենքների նախագծերի փաթեթը:
Առաջարկվող փոփոխությունների արդյունքում կվերանայվի ձեռնարկատիրական գործունեությունից կամ կորպորատիվ իրավահարաբերություններից բխող պայմանագրերի անվավերության պահանջ ներկայացնելու դեպքում ներկայիս 20000 դրամ պետական տուրք վճարելով բազմամիլիոնանոց գործարքների սառեցման հնարավորությունը, քանի որ նման դեպքում կգանձվի պայմանագրի գնի 3%-ի չափով տուրք:
Կհստակեցվեն ակնհայտ անհիմն հայցերի սահմանումները և նման պահանջներով հայցադիմումները դատարանը հնարավորություն կունենա մերժել հենց սկզբից՝ ստիպված չլինելով վարույթ ընդունել դրանք և թեկուզ արագացված կարգով մերժման վճիռ կայացնել:
Առաջարկվում է վերացնել պարզեցված վարույթների համար նախատեսված նվազ պետական տուրք վճարելու արտոնյալ կարգավորումը:
Հավասարեցվում և հստակեցվում են աճողական տուրքերը դրամական պարտավորություններ առաջադրող բոլոր վարչական ակտերի նկատմամբ՝ բացառելու համար դատարանների կողմից տարաբնույթ մեկնաբանությունների հնարավորությունը:
Օրենքի նախագծին պետաիրավական հարցերի մշտական հանձնաժողովը տվեց դրական եզրակացություն, այն կքննարկվի խորհրդարանի լիագումար նիստում:
Recent Posts
Մոսկվան ու Երևանը բանակցություններ կսկսեն ՀՀ-ի երկաթուղիների երկու հատվածի վերականգնման շուրջ. Օվերչուկ
Մոսկվան ու Երևանը բանակցություններ կսկսեն Հայաստանի երկաթուղիների երկու հատվածի վերականգնման շուրջ, որոնք կապված են Ադրբեջանի…
Օդի ջերմաստիճանը կբարձրանա 5-8 աստիճանով
Փետրվարի 13-ի գիշերը և առավոտյան հանրապետության առանձին ավտոճանապարհներին սպասվում է մերկասառույց։ Փետրվարի 13-15-ին գիշերը և…
Վրաստանը սահմանափակում է հին մեքենաների ներմուծումը
Վարչապետ Իրակլի Կոբախիձեն հայտարարել է վեց տարուց ավելի առաջ արտադրված մեքենաների ներմուծման արգելքի մասին: Համապատասխան…
Մխիթարյանը կլինի երիտասարդացող «Ինտերի» միակ բացառությունը
«Ինտերի» սեփականատերերը պատրաստ են թույլ տալ ակումբի ղեկավարությանը՝ նոր պայմանագիր առաջարկել Հենրիխ Մխիթարյանին։ Ըստ իտալական…
Ուրախ էինք Հայաստանում ողջունել ամերիկյան տեխնոլոգիական ընկերությունների ղեկավարներին. ՀՀ-ում ԱՄՆ դեսպանություն
ՀՀ-ում ԱՄՆ դեսպանությունից հայտնում են, որ ԱՄՆ փոխնախագահ Ջեյ Դի Վենսի Հայաստան կատարած պատմական այցին…
Սիրելինե՛րս, դուք սկսել եք «Մահ կամ ազատություն»-ից, ավարտել 004 շրջաբերականով. Ռուբինյանը՝ ՀՅԴ-ին
Քննարկում ենք ըստ երևույթին երկու փոխկապակցված հարց, որոնք տարօրինակ կերպով փոխկապակցվել են այսօր՝ Հեռուստատեսության և…