Իրանի արտաքին գործերի նախարարությունը կանչել է Ավստրալիայի դեսպան Յան ՄաքՔոնվիլին՝ բողոքելու համար դեսպանատան Instagram-ում ի պաշտպանություն ԼԳԲՏ-ների կատարված գրառման դեմ։ Այս մասին ասվում է Իրանի ԱԳՆ հայտարարության մեջ։
«Արտաքին գործերի նախարարության տարածաշրջանային ղեկավարը խստորեն դատապարտեց այս քայլը, խստորեն բողոքեց Ավստրալիայի դեսպանատանն այս վիրավորական բովանդակության հրապարակման համար և ավելացրեց, որ Ավստրալիայի դեսպանատան հրապարակածը վիրավորական է և հակասում է իրանական և իսլամական նորմերին ու սովորույթներին»,- նշվում է Իրանի ԱԳՆ կայքում հրապարակված փաստաթղթում։
