Թայվանի և Արիզոնա նահանգի իշխանությունները կիսահաղորդիչների և անօդաչու թռչող սարքերի մշակման ոլորտում համագործակցության հուշագիր են ստորագրել։ Այս մասին հայտնում է կղզու տնտեսական վարչությունը։
Փաստաթուղթը նախատեսում է նաև համատեղ արտադրական շղթաների կառուցում և մասնագետների պատրաստում։
Ինչպես ստորագրման արարողության ժամանակ նշել է Թայվանի կառավարության արդյունաբերական զարգացման գրասենյակի ղեկավար Չեն Պեյլին, Ուկրաինայում մարտերը ցույց տվեցին ռազմական անօդաչու թռչող սարքերի ստեղծման կարևորությունը, սակայն նմանատիպ քաղաքացիական տեխնոլոգիաները նույնպես ակտիվորեն օգտագործվում են կապի, տրանսպորտի և աղետների դեմ պայքարում:
Նա նշել է, որ DJI-ն ներկայումս կազմում է առևտրային անօդաչու թռչող սարքերի շուկայի 60-70%-ը, ուստի, Թայվանը և Միացյալ Նահանգները պետք է Պեկինից անկախ արտադրական շղթաներ ստեղծեն այս ոլորտում՝ ազգային անվտանգության շահերից ելնելով:
Նրա խոսքով՝ Թայվանի իշխանությունները սուբսիդավորման ծրագրեր են մշակում անօդաչու թռչող սարքերի հիմնական տեխնոլոգիաների համար՝ ներառյալ կապի հանգույցները, կառավարման համակարգերը, վերգետնյա համակարգերը, ինչպես նաև արհեստական ինտելեկտի վրա հիմնված պատկերների ճանաչման տեխնոլոգիաները։
