Հնդկաստանի արևելյան Ջարխանդ նահանգում քաղաքացիական ծառայության դիմորդների ֆիզիկական պատրաստվածության թեստի ժամանակ մահացել է առնվազն 12 մարդ: Այս մասին հայտնում է The Economic Times-ը։
Հնդկաստանում քաղաքացիական ծառայությունը համարվում է աշխատանքի համար ամենագրավիչ վայրը՝ շնորհիվ կայունության և լավ աշխատավարձի, ուստի թեկնածուները շատ են և ընտրությունը խիստ է:
Մահացածները 500 հազար թեկնածուների թվում են եղել, ովքեր ցանկանացել են զբաղեցնել մաքսային ծառայության 583 թափուր աշխատատեղերը։ Փորձություններից մեկը եղել է վազքով 10 կմ-ի հաղթահարումը՝ ծայրահեղ շոգի պայմաններում:
Երկրի իշխանությունները միջադեպի հետաքննությունը սկսել են երեքշաբթի օրը։ Նահանգի գլխավոր նախարար Հեմանտ Սորենը դատաբժշկական փորձագետներին հանձնարարել է ուսումնասիրել «երիտասարդության վաղաժամ մահը, որպեսզի ապագայում նման միջադեպեր չկրկնվեն»:
Հաղորդվում է նաև, որ շատ թեկնածուներ ստիպված են եղել հոսպիտալացվել արյան ցածր ճնշման և ջրազրկման պատճառով:
Ֆիզիկական պատրաստվածության քննություններն այժմ դադարեցվել են։
