Փարիզում ընթացող Պարալիմպիկ խաղերում ելույթն ավարտել է Հայաստանի երկրորդ ներկայացուցիչը։
Սմբատ Կարապետյանը սայլակավազք մարզաձևի T54 դասակարգման խմբում 14 մասնակիցների պայքարում գրավել է 12-րդ տեղը։ Հայ մարզիկը գրանցել է 16:98 վայրկյան արդյունք։
Պարալիմպիկ խաղերում Հայաստանի առաջին ներկայացուցիչ Սարգիս Ստեփանյանը գնդի հրման պայքարում 10,41 մետր արդյունքով զբաղեցրել էր 8-րդ տեղը:
Հայաստանի թիմի վերջին մասնակիցը Գրետա Վարդանյանն է։ Պարածանրամարտի մրցումներում նա մեդալի համար կպայքարի սեպտեմբերի 6-ին։
