Հորդառատ անձրևները հարվածել են Իտալիայի հյուսիսին՝ առաջացնելով հեղեղումներ Միլանի և այլ շրջանների մերձակայքում:
Պիեմոնտում փրկարարները փնտրում են 58-ամյա ֆերմերի՝ հեղեղը նրան քշել-տարել է տրակտորի հետ միասին։ Փրկարարները մտավախություն ունեն, որ տղամարդը կարող է ծովում հայտնված լինել:
Վալ դի Սուս շրջանում ափերից դուրս եկած գետը քանդել է երկու կամուրջ, հեղեղել տեղական ճանապարհը՝ մեկուսացնելով 50 բնակչությամբ երկու փոքր գյուղ։
Ջենովայում մինչեւ 100 կմ/ժ արագությամբ քամին ծառեր ու գովազդային վահանակներ է տապալել։ Միանգամից մի քանի գետեր դուրս են եկել ափերից, իսկ որոշ հատվածներում սողանքներ են տեղի ունեցել։ Խափանվել է ճանապարհային և երկաթուղային երթևեկությունը։
Միլանում էլ փրկարարները տասնյակ զանգեր են ստացել՝ օգնելու ողողված թունելներում խրված վարորդներին և նկուղներից ջրերը մաքրելու համար:
Ջրհեղեղները լուրջ խափանումների են հանգեցրել քաղաքային մետրոպոլիտենի աշխատանքը։
Ընդամենը մեկ շաբաթ առաջ նմանատիպ եղանակը հարվածել էր Իտալիայի հարավին։
Կամպանիա նահանգում մի քանի բնակավայրեր հեղեղվել էին, մի քանի ճանապարհներ արգելափակվել, իսկ երկու մարդ դեռևս անհետ կորած է համարվում։
