Իսրայելի գործողությունները Մերձավոր Արևելքում էսկալացիա են հրահրում, ինչը հղի է անկանխատեսելի հետևանքներով։
Այս մասին հայտարարել է Սիրիայի արտգործնախարարությունը՝ մեկնաբանելով իսրայելական հարվածները սիրիական Համա նահանգում թիրախներին։
«Իսրայելական օկուպացիոն իշխանությունների կողմից սիրիական տարածքների և տարածաշրջանի այլ երկրների վրա իրականացված համառ հարձակումները, ինչպես նաև նրանց շարունակական բարբարոսական պատերազմը պաղեստինցի ժողովրդի դեմ Գազայի հատվածում և Հորդանան գետի Արևմտյան ափում, որն ուղեկցվում է սարսափելի հանցագործություններով և պաղեստինցիների ջարդերով, ցույց է տալիս տարածաշրջանում հակամարտության հետագա սրման ցանկությունը, ինչը կունենա ծանր և անկանխատեսելի հետևանքներ»,- նշվում է Արաբական Հանրապետության արտաքին գործերի նախարարության հայտարարության մեջ, որի բովանդակությունը մեջբերում է SANA գործակալությունը։
