«Եվ եղավ սերը»․ տաղանդավոր դերասաններ Տաթև Հովակիմյանի ու Սամվել Թոփալյանի հուզական ու տպավորիչ պոեզիա-ներկայացմամբ «Մհեր Մկրտչյան» արտիստական թատրոնը մեկնարկեց 20-րդ հոբելյանական թատերաշրջանը։
Թատրոնի անձնակազմը տնօրեն Տաթիկ Մելքոնյանի գլխավորությամբ տոնական արարողությամբ հյուրընկալեցին թատերասերներինհանդիսավոր ազդարարելով թատերաշրջանի մեկնարկը: Թատրոնը վերջերս է վերանորոգվել և վերազինվել լուսաձայնային ժամանակակից տեխնիկայով, ինչը թատերասերներին բարեկարգ և տրամադրող միջավայրում արվեստ վայելելու հնարավորություն է տալիս։ Իհարկե՝ թատրոնը մարդիկ են, և նրանց ստեղծած արվեստը: Թատրոնի գեղարվեստական անձնակազմը խոստանում է՝ թատերաշրջանը լինելու է անմոռանալի, բազմաթիվ հետաքրքիր նոր նախագծերով: Առաջին անմոռանալի տպավորությունները տարավ այսօրվա հանդիսատեսը գերէմոցիոնալ «Եվ եղավ սերը» թատերականացված պոեզիայից:
Սա ներկայացում է ժամանակակիցների գրչով և ժամանակակիցների մատուցմամբ` ի հավաստում նրա, որ «Մհեր Մկրտչյան» արտիստական թատրոնը նոր միջավայր ու նոր բովանդակություն է բերում ժամանակակից հայ թատերարվեստ: