Վերջերս Թբիլիսի այցելած ԱՄՆ պատվիրակության անդամ, սենատոր Ջին Շահինը Սենատի արտաքին կապերի կոմիտեի լսումներին պատմել է Վրաստանի վարչապետ Իրակլի Կոբախիձեի հետ հանդիպման մասին, որի ընթացքում վերջինս ամերիկյան կողմից առաջարկել է դադարեցնել վրացական ՀԿ-երի ֆինանսավորումը:
Վրաստանի վարչապետն ամերիկյան սենատորի այդ հայտարարությունն անվանել է «կեղծիք»: Ի պատասխան Ջին Շահինը հանդես է եկել հատուկ հայտարարությամբ եւ վկայակոչել հանդիպման այլ մասնակիցների: «Այդ սենյակում ես մենակ չէի, ինձ հետ կային այլ մարդիկ, եւ մենք բոլորս ենք լսել, թե նա (Վրաստանի վարչապետ Կոբախիիձեն) ինչ է ասել»:
Իր հերթին Վրաստանի վարչապետի գրասենյակը մամուլի համար բացատրություն է տվել, որ ամերիկյան կողմի հետ հանդիպմանը «կառավարության ղեկավարը խնդիր է դրել, որ դադարեցվի Վրաստանում ծայրահեղականության եւ խտրականության քարոզչության ֆինանսավորումը»: Խոսքը վերաբերում է ամերիկյան եւ առհասարակ արեւմտյան ֆինանսավորմամբ գործող ՀԿ-երին, որ «Վրացական երազանք» իշխող կուսակցությանը քննադատում են Ռուսաստանի «կամակատար լինելու» մեջ:
Ռուսաստանի Արտաքին հետախուզական ծառայությունը մեկ ամսվա ընթացքում երկրորդ անգամ անդրադարձել է Վրաստանում ԱՄՆ «ֆինանսավորմամբ գունավոր հեղափոխություն կազմակերպելու եւ իշխանափոխություն իրականացնելու սպառնալիքին»: Հոկտեմբերի 26-ին Վրաստանում խորհրդարանական ընտրություններ են նշանակված: Գործող նախագահ Սալոմե Զուրաբաշվիլին սատարում է ընդդիմությանը: Քաղաքական դիտորդները կանխատեսում են, որ հոկտեմբերը Վրաստանում «տաք է լինելու»։
Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հնարավոր հանդիպման հարցը Ռուսաստանում ԲՐԻԿՍ-ի կամ…
Առողջապահության նախարարությունից հայտնում են․ «25-30 տոկոս դեպքերում ուղեղի կաթվածը (ինսուլտը) զարգանում է շողացող առիթմիայի հետևանքով:…
Համայնքային տնտեսական և սոցիալական ենթակառուցվածքների զարգացմանն ուղղված Կառավարության համաֆինանսավորմամբ սուբվենցիոն ծրագրերով Խոյ համայնքում իրականացվել և…
ԵՊԲՀ ռեկտոր Արմեն Մուրադյանը ֆեյսբուքյան իր էջում գրում է․ «Հայաստանում 2023թ. առաջին կիսամյակում արյան շրջանառության համակարգի…
ՀՀ ՏԿԵ նախարար Գնել Սանոսյանի ուշադրության կենտրոնում է նաև հանքարդյունաբերության ոլորտը: Այդ մասին հայտնում են…
Իսրայելի պաշտպանության բանակը հայտարարել է, որ «Հեզբոլլահի» բարձրաստիճան պաշտոնյա Նաբիլ Քաուկը սպանվել է անցած գիշեր…