Խաղաղ օվկիանոսի Մարիանյան կղզիներում 6,3 մագնիտուդով երկրաշարժ է գրանցվել, հայտնում է Եվրոպական-միջերկրածովյան սեյսմոլոգիական կենտրոնը:
Սեյսմոլոգների տվյալներով՝ ստորգետնյա ցնցումները գրանցվել են տեղական ժամանակով 11.36-ին: Երկրաշարժի օջախը գտնվել է 43 կիլոմետր խորության վրա։
Երկրաշարժը տեղի է ունեցել Հյուսիսային Մարիանյան կղզիների մայրաքաղաք Սայպանից 265 կիլոմետր հյուսիս-արևելք։
Ավերածությունների և զոհերի մասին տվյալներ չեն հաղորդվում։
