Ադրբեջանը մշտապես կողմ է եղել տարածաշրջանում հաղորդակցությունների բացմանը. Report-ին տված հարցազրույցում ասել է Ադրբեջանի ԱԳՆ խոսնակ Այհան Հաջիզադեն։
«Ադրբեջանի, Ռուսաստանի և Հայաստանի ղեկավարների՝ 2020թ. նոյեմբերի 10-ի եռակողմ հայտարարության շրջանակներում տևական ժամանակ ջանքեր են գործադրվել այդ գործընթացն առաջ մղելու համար։
Հայկական կողմը որոշակի պարտավորություններ է ստանձնել այդ փաստաթղթի շրջանակներում։ Եռակողմ հայտարարության 9-րդ կետում հստակ գրված է, թե ինչ պարտավորություններ ունի Հայաստանը, և ինչպես է կազմակերպվելու տրանսպորտային հաղորդակցության վերահսկողությունը։
Սակայն Հայաստանը գրեթե 4 տարի է՝ չի կատարել իր պարտավորություններն՝ Ադրբեջանի արևմտյան շրջանները Նախիջևանի Ինքնավար Հանրապետության հետ կապող հաղորդակցությունների բացման հարցում։
Դա հաշվի առնելով՝ Ադրբեջանը դիտարկել է այլընտրանքային ուղիներ։ Օրինակ, Ադրբեջանը համաձայնագիր է ստորագրել Իրանի տարածքով ավտոմոբիլային և երկաթուղային ճանապարհի կառուցման մասին, որն ուղիղ տրանսպորտային կապ կապահովի Նախիջևանի հետ։
Այս տարիների ընթացքում կատարված աշխատանքն ապացույց է, որ, ի տարբերություն Հայաստանի, Ադրբեջանը ծանրակշիռ ներդրում ունի տարածաշրջանում տրանսպորտային միջանցքների զարգացման գործում։
Եթե հայկական կողմն իսկապես շահագրգռված է տարածաշրջանում հաղորդակցությունների բացմամբ, պետք է կատարի ստանձնած պարտավորությունները։ Երևանն իր ապակառուցողական կեցվածքով հերթական անգամ ապացուցում է, որ ինքնամեկուսացման քաղաքականություն է վարում»,-ասել է Հաջիզադեն։
Հայաստանը «Մանկական Եվրատեսիլ 2024» երգի մրցույթում կներկայացնի Լեո Մկրտչյանը: Հայաստանի այս տարվա պատվիրակն ընտրվել է…
Պակիստանում ռուս օդաչուներով ուղղաթիռ է կործանվել. զոհվել է վեց մարդ։ Այս մասին հայտնում է Reuters–ը։…
Ես հրավեր եմ ստացել և մասնակցում եմ Մյուռոնօրհնություն արարողությանը, լրագրողերին ասել է ԿԳՄՍ նախարար Ժաննա…
Սեպտեմբերի 28-ին խոշոր հրդեհ է տեղի ունեցել Երևանում: Ժամը 15:35-ի սահմաններում ՀՀ ՆԳՆ ահազանգ է…
Իսրայելը պատերազմում է շիական «Հեզբոլլահ» շարժման, բայց ոչ Լիբանանի ժողովրդի հետ: Այսպիսի հայտարարություն է արել…
Մայր Աթոռում տեղի է ունենում Մայր տաճարի Մյուռոնօրհնության արարողությունը։ Սեպտեմբերի 29-ին՝ ժամը 10։30-ին, Մայր տաճարը…