Պորտուգալիայի արևմուտքում բռնկված անտառային հրդեհների հետևանքով չորս մարդ է զոհվել: Հրդեհը Ավեյրու թաղամասում վնասել է տներ, ճանապարհները փակվել են, բնակիչները՝ տարհանվել։
Հրշեջները շարունակում են պայքարել կրակի դեմ, սակայն նոր հրդեհների առաջացումը բարդացնում է նրանց գործը։
Հրդեհի դեմ պայքարելու համար ներգրավված է ավելի քան 5000 հրշեջ, ինչպես նաև 600 մեքենա և 32 ինքնաթիռ:
«Այս պահին մենք մոբիլիզացրել ենք բոլոր առկա ռեսուրսները, մեծ ջանքեր ենք գործադրվում, որպեսզի կարողանանք արձագանքել բոլոր իրավիճակներին»,-ասել է հրշեջ բրիգադի հրամանատարը:
Եվրահանձնաժողովի նախագահ Ուրսուլա ֆոն դեր Լեյենը հայտարարել է, որ Պորտուգալիայի արտակարգ իրավիճակների ծառայություններին աջակցելու համար ԵՄ-ն 8 հրշեջ ինքնաթիռ է ուղարկում։
