Ուկրաինայի ադրբեջանական համայնքի խոսնակ Գալիբ Օսմանլին «Թուրան» գործակալության թղթակցին ասել է, որ ռուս-ուկրաինական պատերազմի սկզբից ի վեր ավելի Ուկրաինայի զինված ուժեր զորակոչված կամ կամավորագրված ադրբեջանցիներից առնվազն վաթսունը սպանվել է: Նրա ասելով՝ համայնքային կառույցն ունի այդ մարդկանց անվանական ցուցակը: Ռմբակոծություններից եւ հրթիռային հարվածներից սպանվել է եւս յոթանասուն ադրբեջանցի: Նրանք բնակվում էին Ուկրաինայի տարբեր մարզերում: Ուկրաինայում, ըստ համայնքային կառույցի տվյլաների, բնակվում է 400-500 հազար ադրբեջանցի: Նրանցից 100 հազարը քաղաքացիություն է ձեռք բերել: Ուկրաինական զինված ուժերում ծառայում է ոչ ավելի, քան հազար ադրբեջանցի: Ինչ վերաբերում է կամավորականներին, ապա Օսմանլիի տեղեկություններով՝ ադրբեջանական առանձին գումարտակ չի կազմավորվել, բայց Ուկրաինայի կողմից պատերազմին մասնակցում են ինչպես Ուկրաինայի եւ Ադրբեջանի, այնպես էլ Վրաստանի քաղաքացիություն ունեցող էթնիկ ադրբեջանցիներ: Նա տեղեկություն ունի, որ Ուկրաինայի կողմից պատերազմին մասնակցելու նպատակով «բազմաթիվ ադրբեջանցիներ, որ Ռուսաստանի քաղաքացիներ են, անցել են Ուկրաինայի եւ անդամագրվել կամավորական գումարտակներին»:
