Մակրոնը մերժել է նոր վարչապետի առաջարկած նախարարների ցուցակը

Ֆրանսիայի նախագահ Էմանուել Մակրոնը հավանություն չի տվել վարչապետ Միշել Բարնիեի կողմից առաջարկված նախարարների նախնական ցուցակին։ Այս մասին հայտնում է Le Monde թերթը։

Ենթադրվում է, որ համապատասխան ցուցակը վարչապետը ներկայացրել է սեպտեմբերի 17-ին, երբ այցելել է Ելիսեյան պալատ։

Նախագահի շրջապատի ներկայացուցիչները նախարարական պաշտոնների համար առաջարկվող ցուցակը համարել են «միագույն»․ նրանք հատկապես ուշադրություն են դարձրել Հանրապետական ​​կուսակցության ներկայացուցիչների մեծ թվին, որին պատկանում է ինքը՝ Բարնյեն։

Ըստ թերթի, վարչապետը նախատեսում էր նրանց հատկացնել նախարարական պաշտոնների մինչև մեկ երրորդը, այդ թվում՝ ՆԳՆ, Արդարադատության և Էկոնոմիկայի նախարարությունների ղեկավարների կարևոր պաշտոնները։