ԱՄՆ-ը մտադիր է էլ ավելի խստացնել Ռուսաստանի դեմ պատժամիջոցները, այդ թվում՝ կապված համաշխարհային շուկա ռուսական նավթի մատակարարումների և դրա փոխադրումների ծավալների հետ։ Այս մասին հայտարարել է ԱՄՆ նախագահի ազգային անվտանգության հարցերով խորհրդական Դալիպ Սինգհը։
«Մենք մոտենում ենք այն կետին, երբ մենք կարող ենք խոսել շատ ավելի կոշտ ռեժիմի մասին՝ ինչպես «ստվերային նավատորմի», այնպես էլ նավթի այն ծավալի հետ կապված, որը Ռուսաստանին թույլատրվում է մատակարարել շուկա»,- ասել է նա։
Սինգհը նշել է, որ ԱՄՆ իշխանությունները անհրաժեշտ են համարում ուժեղացնել ջանքերը ինչպես Ռուսաստանի Դաշնության դեմ պատժամիջոցների, այնպես էլ արտահանման վերահսկողության առումով։
Նրա կարծիքով՝ «պատժամիջոցների և այլ գործիքների» օգնությամբ կարճաժամկետ հեռանկարում՝ վեց ամսից մինչև երեք տարի, հնարավոր կլինի կրճատել Ռուսաստանի եկամուտը նավթի վաճառքից։
