ՖԻԴԵ-ի շախմատային օլիմպիադայի 8-րդ տուրից առաջ Բուդապեշտի Intercontinental հյուրանոցում տեղի է ունեցել Շախմատի միջազգային ֆեդերացիայի 100-ամյակին նվիրված շախմատային գալա համերգը, որը նվիրված է եղել շախմատի համայնքում անհատների, խմբերի և կազմակերպությունների բացառիկ ձեռքբերումներին և ներդրումներին: Երեկոյի գլխավոր իրադարձությունը եղել է ՖԻԴԵ-ի «100 մրցանակ» մրցանակաբաշխությունը: 

ՖԻԴԵ-ն Հայաստանի շախմատի տղամարդկանց հավաքականին ճանաչել է 100-ամյակի լավագույն թիմ։ 

««Մեկ մարտիկը լավ բան է, բայց եթե հիանալի թիմ ունես, կարող ես շրջել աշխարհը»: Չնայած ԽՍՀՄ հավաքականը օլիմպիական մեդալների քանակով անպարտելի առաջատար կլիներ ինչպես տղամարդկանց, այնպես էլ կանանց կատեգորիաներում, ժյուրին որոշեց ընտրել այն երկիրը, որն այս պահին արդեն գոյություն ունի: Հայաստանը գերազանցել է մյուսներին՝ հաղթելով երեք անգամ, իսկ Չինաստանը վերջին տասը տարիների ընթացքում երկու ոսկե մեդալ է նվաճել»,- ասվում է ՖԻԴԵ-ի պաշտոնական կայքում արված անդրդարձում։

Մրցանակը ստացել է Հայաստանի շախմատի ֆեդերացիայի գործադիր տնօրեն Արմեն Գևորգյանը: