Յոթերորդ գումարման Միլլի մեջլիսի առաջին նիստին ելույթում Ադրբեջանի նախագահ Իլհամ Ալիեւը հայտարարել է, որ իրենք «պայմանական սահմանին ամրապնդվում են, քանի որ Հայաստանից ամեն վայրկյան կարելի է սպասել սադրանքների»:
Նա կրկնել է թեզը, որ արեմտյան «որոշ երկրներ զինում եւ պատերազմի են նախապատրաստում Հայաստանին, նրա տարածքում հարեւան պետությունների դեմ սպառնալիքի օջախներ ստեղծում, որպեսզի մշտապես ճնշում գործադրեն Ադրբեջանի նկատմամբ»:
Ալիեւը համոզմունք է հայտնել, որ ադրբեջանական ժողովուրդը «լավ է հասկանում, թե ով է իր թշնամին, եւ ով՝ բարեկամը»:
Այս խոսույթը, մանավանդ Հայաստանի հետ «պայմանական սահման» ձեւակերպումը հնչում է ԱՄՆ պետքարտուղար Բլինքենի հետ հեռախոսազրույցից ոչ լրիվ տասը օր անց:
Այդ հեռախոսազրույցում Ալիեւը Միացյալ Նահանգների պետքարտուղարին վստահեցրել է, որ հայ-ադրբեջանական սահմանազատումը տեղի կունենա օգոստոսի 30-ին ստորագրված՝ սահմանազատման հանձնաժողովների Կանոնադրության հիման վրա:
Կանոնադրությունը սահմանազատման իրավական հիմք է ընդունում Ալմա-Աթայի 1991թ. դեկտեմբերի 21-ի հռչակագիրը, որով միութենական հանրապետությունների միջեւ ԽՍՀՄ օրոք սահմանները ճանաչվում են պետական եւ անձեռնմխելի:
Ստորագրված Կանոնադրությունը պետք է անցնի վավերացում: Հայաստանի կառավարությունն այն ներկայացրել է Սահմանադրական դատարան:
Ադրբեջանի նախագահը դեռեւս նման որոշում չի կայացրել: Կանոնադրությունը պետք է վավերացնի յոթերորդ գումարման Միլլի մեջլիսը, որին, սակայն, Իլհամ Ալիեւն առաջին ելույթով ներշնչում է ուժի դիրքերից քաղաքական կեցվածք որդեգրել:
Դա մարտավարական հնա՞րք է, թե՞ Ալիեւին իրոք տրամադրված է ձախողել Հայաստանի հետ սահմանազատման գործընթացը՝ հնարավոր կլինի կռահել առաջիկա մեկ ամսվա զարգացումներից:
Ալիեւը պատրաստվում է մասնակցել ԲՐԻԿՍ-ի գագաթաժողովին, որ կգումարվի ուղիղ մեկ ամիս հետո՝ Կազանում:
Թիվ 1 սյունակ, Վահրամ Աթանեսյան
BRICS-ի պետությունների գագաթնաժողովը, որը մեկնարկել է Կազանում հոկտեմբերի 22-ին, կտևի մինչև հոկտեմբերի 24-ը։ Միջոցառմանը ներկա…
Հայաստանը կարևորում է Հարավային Ամերիկայի երկրների հետ հարաբերությունների զարգացումը: Դրա վառ ապացույցն են վերջին տարիներին…
ՀՀ վարչապետ Նիկոլ Փաշինյանն անդրադարձել է BRICS-ի գագաթնաժողովին իր մասնակցությանը՝ նշելով, որ այն կարևոր է…
Թուրքիայի ներքին գործերի նախարար Ալի Երլիքայան X-ի իր էջում գրել է՝ ահաբեկչական հարձակում է եղել…
ԱԺ նախագահ Ալեն Սիմոնյանը հեռախոսազրույց է ունեցել ՌԴ Դաշնային ժողովի Դաշնության խորհրդի նախագահ Վալենտինա Մատվիենկոյի…
ՀՀ էկոնոմիկայի նախարար Գևորգ Պապոյանը գրել է. «Աշխարհի առաջատար զբոսաշրջային ԶԼՄ-ներից մեկը՝ Lonely Planet-ը, Հայաստանը…