Հայաստանը կարևորում է Հարավային Ամերիկայի երկրների հետ հարաբերությունների զարգացումը:
Դրա վառ ապացույցն են վերջին տարիներին բարձրաստիճան պաշտոնյաների փոխայցերը. նշել է ԱԺ Հայաստան-Գվատեմալա բարեկամական խմբի ղեկավար Տաթևիկ Գասպարյանը` ողջունելով մեր երկրում Գվատեմալայի արտակարգ և լիազոր դեսպան Գուստավո Ադոլֆո Լոպես Կալդերոնին (նստավայրը` Մոսկվա):
Հանդիպմանը մասնակցել է Հայաստան-Գվատեմալա բարեկամական խմբի անդամ Կնյազ Հասանովը:
Տաթևիկ Գասպարյանը խոսել է երկու երկրների միջև բազմոլորտ համագործակցությունը զարգացնելու ու միջխորհրդարանական կապերն ակտիվացնելու անհրաժեշտության մասին` ընդգծելով բարեկամական խմբերի դերակատարությունը:
Պատգամավորը հույս է հայտնել, որ Գվատեմալայում կայացած խորհրդարանական ընտրություններից հետո առաջիկայում կձևավորվի Հայաստանի հետ բարեկամական խումբ:
Բարեկամական խմբի ղեկավարն անդրադարձել է տարածաշրջանում առկա իրավիճակին, խոսել Ադրբեջանի և Թուրքիայի հետ հարաբերությունների կարգավորման գործընթացներից:
Դեսպանին ներկայացնելով ՀՀ կառավարության հեղինակած «Խաղաղության խաչմերուկ» նախագիծը` Տաթևիկ Գասպարյանը նշել է, որ դրա իրագործումը կնպաստի տարածաշրջանում երկարատև խաղաղության ու կայունության հաստատմանը:
Կնյազ Հասանովի խոսքով, ի տարբերություն խաղաղության պայմանագիր կնքելու հարցում ՀՀ իշխանությունների պատրաստակամությանը, Ադրբեջանը մի շարք պատճառներով ձգձգում է դրա կնքումը:
Պատգամավորն այդ հարցում կարևորել է Գվատեմալայի` որպես ՄԱԿ-ի անդամի դերակատարությունը:
Տաթևիկ Գասպարյանը խոսել է նաև Լեռնային Ղարաբաղից բռնի տեղահանված մեր հայրենակիցների սոցիալ-տնտեսական կարիքները բավարարելու հարցում ՀՀ կառավարության ջանքերի մասին, ինչպես նաև մտահոգություն հայտնել Ադրբեջանում պահվող հայ գերիների վերաբերյալ:
Բարեկամական խմբի ղեկավարը կարևորել է բարձրացված մարտահրավերների հաղթահարման գործում միջազգային գործընկերների աջակցությունը:
Գուստավո Ադոլֆո Լոպես Կալդերոնը, շնորհակալություն հայտնելով ընդունելության համար, նույնպես կարևորել է խորհրդարանական փոխգործակցության ակտիվացումը:
Ըստ դեսպանի` Գվատեմալայի կառավարությունը տեղյակ է և ողջունում է Հարավային Կովկասում խաղաղության հաստատման ուղղությամբ ՀՀ ջանքերը:
Ֆրանսիայի պետական ծառայության, պետական գործունեության պարզեցման և վերափոխման նախարար Գիյոմ Կասբարյանին ճեպազրույցի ժամանակ լրագրողը հարցրել…
Կազանում տեղի են ունեցել Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի բանակցությունները։…
Բելառուսում հաջորդ նախագահական ընտրությունները կկայանան 2025թ. հունվարի 26-ին: Նման որոշում է կայացրել Բելառուսի խորհրդարանի ստորին…
Թուրքիայի նախագահ Ռեջեպ Թայիփ Էրդողանը հոկտեմբերի 23-ին մեկնել է Կազան, որտեղ երկրորդ օրն է՝ ընթանում…
ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Հայաստանի Հանրապետությունում Եգիպտոսի Արաբական…
Ադրբեջանի ներքին գործերի նախարարությունը հայտնում է հոկտեմբերի 22-ին Բաքվի Նասիմիի շրջանում կատարված դաժան սպանության մասին:…