Թայվանը կարող է ԱՄՆ դաշնակիցներից ռազմական օգնություն խնդրել

Թայվանի վարչակազմը կարող է ԱՄՆ դաշնակիցներին խնդրել ռազմական օգնություն տրամադրել կղզուն, եթե Վաշինգտոնը չկարողանա ապահովել սպառազինությունների մատակարարման ճիշտ ժամանակացույցը: Այս մասին հայտնել է Թայվանի պաշտպանական գերատեսչության ղեկավարի տեղակալ Սյու Յանգպուն։

Ինչպես հայտարարել Է պաշտոնյան, եթե ԱՄՆ-ն չի կարողանում ժամանակին օգնություն տրամադրել, հույս կա, որ Վաշինգտոնը կկարողանա այդ հարցը քննարկել իր դաշնակիցների հետ, որպեսզի նրանք կարողանան Թայվանին նմանատիպ սարքավորումներ տրամադրել:

Սյու Յանգպուն հավելել է, որ համաշխարհային մատակարարման շղթաների խախտումը, որը պայմանավորված է COVID-19 համաճարակով, խանգարում է ԱՄՆ-ին ժամանակին զենք մատակարարել կղզուն: