Շախմատի Հայաստանի հավաքականի նախկին անդամ, այժմ ԱՄՆ-ը ներկայացնող Լևոն Արոնյանն ամփոփել Համաշխարհային 45-րդ Օլիմպիադան։
«Առաջին հերթին, շնորհավորում եմ Հնդկաստանին` պատմական նվաճման համար։ Նրանք անցան անհավանական ճանապարհ։
Ինչ վերաբերում է մեզ, անչափ ուրախ եմ, որ արծաթե մեդալ նվաճեցի ինչպես անհատական, այնպես էլ թիմային պայքարում։ Շնորհակալ եմ թիմակիցներիս` Ֆաբիին, Ուեսլիին, Լենյերին ու Ռեյին, մարզիչներիս` Ջոնին և Միշային։ Մենք այնքան էլ լավ հանդես չեկանք, բայց ջանասիրաբար պայքարեցինք և ավելի ոգեշնչված խաղաղինք երկրորդ շրջանում։
Բացի ադրանից, ցանկանում եմ կիսվել ինձ համար կարևոր իրադարձությամբ։ ՖԻԴԵ-ն, նշելով իր հիմնադրման 100-րդ տարեդարձը, Հայաստանի հավաքականին ճանաչեց հարյուրամյակի լավագույն թիմ։ Ինձ համար մեծ պատիվ է, որ եղել եմ մեր ազգի համար պատմություն կերտած այդ թիմի մի մասը»,- սոցցանցերում գրել է Լևոն Արոնյանը։
ԱՄՆ-ի հավաքականը Բուդապեշտում ավարտված Համաշխարհային Օլիմպիադայում Ֆաբիանո Կարուանա, Ուեսլի Սո, Լեյներ Պերես Դոմինգես, Լևոն Արոնյան, Ռեյ Ռոբսոն կազմով 11 մրցափուլում հավաքել էր 17 միավոր և լրացուցիչ ցուցանիշներով դարձել փոխչեմպիոն։ Հայաստանի հավաքականը նույնքան միավորով գրավել էր 6-րդ տեղը։
41-ամյա Արոնյանը 2006, 2008 և 2012 թթ. Հայաստանի հավաքականի կազմում երեք անգամ դարձել է Համաշխարհային Օլիմպիադայի հաղթող։
