Հայտնի հեռուստաշոումեն «Երեկոն Վլադիմի Սոլովյովի հետ» հաղորդման հեղինակ եւ վարող Վլադիմիր Սոլովյովը հերթական հաղորդման եթերում անդրադարձել է ՌԴ ՊՆ բարձրաստիճան սպաների պաշտոնանկության, նրանց նկատմամբ աղմկոտ քրեական գործեր հարուցելու թեմային: Սոլովյովն ասել է, որ բավական չէ հեռացնել նրանց, պետք է գտնել արժանի փոխարինողներ, որ կարող են պատերազմի գործն ավելի արդյունավետ կազմակերպել եւ իրականացնել: Նա կրկնել է չինական հայտնի ասույթը. «Էական չէ, թե կատուն ինչ գույնի է, կարեւոր է, որ նա մուկ բռնի», եւ հորդորել է պատերազմի գործը վստահել կարող մարդկանց՝ որ նախարարությունից էլ նրանք լինել: Հայտնի շոումենը նույնիսկ առաջարկել է, եթե դրա անհրաժեշտությունը կա, փոխել գերագույն գլխավոր հրամանատարին: ՌԴ սահմանադրությամբ նախագահը միաժամանակ ԶՈՒ գերագույն գլխավոր հրամանատարն է: Ֆորմալ առումով Ռուսաստանի պետական հեռուստատեսության եթերում հնչել է Վլադիմիր Պուտինին պաշտոնանկելու առաջարկություն: Սա, իհարկե, Կրեմլի փիառն է, որով Պուտինը փորձում է քաղաքակիրթ աշխարհին համոզել, որ ինը բռնապետ չէ, նույնիսկ պետական հեռուստատեսության եթերում են խոսում իր հրաժարականի մասին: Բացառված չէ, որ Կրեմլը Սոլովյովի միջոցով հանրային եւ քաղաքական տրամադրություններ է ստուգում՝ փորձելով պարզել, թե միջին վիճակագրական ռուսաստանցին ինչպե՞ս է իրականում գնահատում Վլադիմիր Պուտինին՝ որպես ԶՈՒ գերագույն գլխավոր հրամանատարի: Ի վերջո, Սոլովյովի առաջարկությունը կարող է օգտակար լինել հենց Պուտինին, որպեսզի հանրային տրամադրություններին ընդառաջ գնալու հիմնավորմամբ անցնի մերձավոր շրջապատում կադրային լուրջ մաքրագործումների: Ամեն դեպքում Սոլովյովի «ընդդեմը» հանուն Պուտինի է:
14:24
Ապրիլ 25, 2026
