ԱՄՆ-ը և ՆԱՏՕ-ի շատ երկրներ չեն ցանկանում, որ Ուկրաինան դառնա դաշինքի անդամ։ Այս մասին NBC հեռուստաընկերությանը տված հարցազրույցում ասել է Թուրքիայի նախագահ Ռեջեփ Թայիփ Էրդողանը։
«ԱՄՆ-ն, առաջին հերթին, չի ցանկանում տեսնել Ուկրաինան որպես ՆԱՏՕ-ի անդամ, շատ երկրներ չեն ցանկանում, որ Ուկրաինան միանա ՆԱՏՕ-ին: Հաշվի առնելով այս փաստերը՝ չպետք է շտապել:
Եվ երբ մենք որոշումներ ենք կայացնում, մենք միշտ հաշվի ենք առնում ՆԱՏՕ-ի անդամ մյուս երկրների դիրքորոշումը, մենք քննարկում ենք հնարավոր հարցերը բանակցությունների սեղանի շուրջ և կայացնում համապատասխան վերջնական որոշում»,-ասել է նա։
Թուրքիայի նախագահն ընդգծել է, որ երբ խոսքը վերաբերում է ՆԱՏՕ-ին Ուկրաինայի անդամակցությանը, իր համար կարևոր կլինի դաշինքին մասնակից մյուս երկրների դիրքորոշումը։ Նա նշել է, որ Անկարան այս հարցում վերջնական որոշում չի կայացրել։