Թուրքիայի պաշտպանության նախարարությունը նախնական նախապատրաստական աշխատանքներ է տանում Լիբանանից իր քաղաքացիների հնարավոր տարհանման համար։ Այս մասին հայտնում են Թուրքիայի պաշտպանության նախարարությունից։
«Թուրքիայի զինված ուժերն ունեն միջոցներ և հնարավորություններ՝ իրականացնելու իրենց հանձնարարված խնդիրները՝ Լիբանանից մեր կամ օտարերկրյա քաղաքացիների անվտանգ տարհանման համար: Ներկայումս մենք ուշադիր հետևում ենք Լիբանանում տեղի ունեցող զարգացումներին։ Հնարավոր տարհանման օպերացիայի համատեքստում իրականացվում են նախնական պլանավորում և նախապատրաստական աշխատանքներ»,- ասվում է ՊՆ հաղորդագրության մեջ։
Թուրքիայի իշխանությունները դեռ պաշտոնապես չեն հայտարարել, որ ծրագրում են տարհանել քաղաքացիներին Լիբանանից, սակայն ծայրահեղ մտահոգություն են հայտնում Մերձավոր Արևելքում տիրող իրավիճակի և Իսրայելի գործողությունների վերաբերյալ։
