Իրանը ցանկանում է փոխգործակցություն ամբողջ աշխարհի հետ. Փեզեշքիան

Իրանը ձգտում է քաղաքական և տնտեսական փոխգործակցության ամբողջ աշխարհի հետ՝ արևմուտքից արևելք, Նյու Յորքից մինչև Սամարղանդ: Այս մասին հայտարարել է Իսլամական Հանրապետության նախագահ Մասուդ Փեզեշքիանը։

«Մինչ ես և արտգործնախարարը Նյու Յորքում հանդիպում ենք համաշխարհային տերությունների ներկայացուցիչների հետ, էկոնոմիկայի նախարարն Ուզբեկստանում բանակցություններ է վարում ասիական երկրների հետ։ Առաջիկայում նախագահի առաջին տեղակալը կմեկնի Հայաստան և Պակիստան։ Կառավարությունը ձգտում է քաղաքական և տնտեսական դիվանագիտության՝ ամբողջ աշխարհի հետ՝ արևմուտքից արևելք, Նյու Յորքից մինչև Սամարղանդ», – գրել է նախագահը X-ի իր էջում:

Սեպտեմբերի 23-ին Փեզեշքիանը ՄԱԿ-ի Գլխավոր ասամբլեայում իր ելույթում ասել է, որ Թեհրանը պատրաստ է զարգացնել հարաբերությունները այլ պետությունների հետ շատ ոլորտներում, բայց միայն հավասար գործընկերության պայմաններով։

Նույն օրը Իրանի արտգործնախարար Աբբաս Արաղչին հայտարարել է, որ իրանական բարձրաստիճան պատվիրակության Նյու Յորք այցի նպատակներից մեկը, ի լրումն ապագա գագաթնաժողովին և ՄԱԿ-ի Գլխավոր ասամբլեայի 79-րդ նստաշրջանին մասնակցելուն, եղել է սկսել բանակցությունների նոր փուլ Թեհրանի միջուկային ծրագրի շուրջ: