Գազայի հատվածի հյուսիսի բնակչությունը, փորձելով խուսափել սովից, բանջարեղեն և պտղատու ծառեր է աճեցնում դատարկ տարածքներում և իրենց տների տանիքների վրա, «ՌԻԱ Նովոստի»-ին հայտնել են տեղի բնակիչները։
Պաշարման մեջ գտնվող հյուսիսային պաղեստինյան անկլավի քաղաքացիները սովի դեմ պայքարելու տարբեր ուղիներ են առաջարկում: 60-ամյա Աբու Անվարը սկսել է հողագործությամբ զբաղվել սեփական տան տանիքում:
«Մենք սկսեցինք աճեցնել բանջարեղենի և պտղատու ծառերի շատ տեսակներ, որոնք հնարավոր էր ձեռք բերել: Մենք գյուղատնտեսական հող ենք տեղափոխում այլ վայրերից և լցնում տանիքին», – ասել է նա:
Բնակիչը նշել է, որ Իսրայելի ռմբակոծությունները, շրջափակման հետևանքով առաջացած սովը և սննդի պակասը բնակչությանը ստիպում են զբաղվել բանջարեղենի մշակությամբ այս եղանակով: