Տարածաշրջանի ճակատագիրը կորոշի Հեզբոլլահը․ Խամենեի

Իրանի գերագույն առաջնորդ այաթոլլա Ալի Խամենեին հայտարարություն է տարածել, որում նշվում է, որ տարածաշրջանի ճակատագիրը կորոշեն դիմադրության ուժերը՝ Հեզբոլլահի գլխավորությամբ, հայտնում է Tasnim լրատվական գործակալությունը։

«Սիոնիստական ​​ռեժիմը կառավարող ահաբեկչական հանցախումբը դասեր չի քաղել Գազայում իր մեկ տարի շարունակվող հանցավոր պատերազմից և չի կարողացել հասկանալ, որ կանանց, երեխաների և քաղաքացիական անձանց զանգվածային սպանությունները չեն կարող ազդել դիմադրության կազմակերպության ամուր կառուցվածքի վրա և ոչնչացնել այն: Հիմա նույն հիմար քաղաքականությունը փորձում են իրականացնել Լիբանանում։

Սիոնիստ ոճրագործները պետք է իմանան, որ իրենք չափազանց փոքր են լիբանանյան Հեզբոլլահի հզոր կառույցին զգալի վնաս պատճառելու համար։

Տարածաշրջանի ողջ դիմադրության ուժը Հեզբոլլահի կողմն է և աջակցում է նրան։ Այս շրջանի ճակատագիրը կորոշեն դիմադրության ուժերը՝ հպարտ Հեզբոլլահի գլխավորությամբ։

Լիբանանի ժողովուրդը չի մոռացել, որ ժամանակին բռնազավթիչ ռեժիմի զինվորականները Բեյրութը դրել էին իրենց կոշիկների տակ, Հեզբոլլահն էր, որ կտրեց նրանց ոտքերը և դարձրեց Լիբանանը թանկ ու հպարտ»,- ասված է հայտարարության մեջ։