Իսրայելը պատերազմում է շիական «Հեզբոլլահ» շարժման, բայց ոչ Լիբանանի ժողովրդի հետ: Այսպիսի հայտարարություն է արել հրեական պետության պաշտպանության նախարար Յոավ Գալանտը։
«Լիբանանի ժողովրդին ես ասում եմ՝ մեր պատերազմը ձեզ հետ չէ։ Մեր թշնամիներին ասում եմ՝ մենք ուժեղ ենք և վճռական։ Մեր գործընկերներին ես կասեի՝ մեր պատերազմը ձեր պատերազմն է»,-ասել է Գալանտը։
Նրա հայտարարությունները տարածել է Իսրայելի պաշտպանության նախարարության մամուլի ծառայությունը։Գալանտը նաեւ հաստատել է, որ «Իսրայելը վերացրել է «Հեզբոլլահի» առաջնորդ Հասան Նասրուլլային»։
«Նա հազարավոր իսրայելցիների և օտարերկրյա քաղաքացիների մարդասպանն էր և անմիջական վտանգ էր ներկայացնում հազարավոր իսրայելցիների կյանքի համար»,-հավելել է նախարարը։
