Ադրբեջանցի գործարարը կարող է ՌԴ-ից վտարվել. Աթանեսյան

ՌԴ Արխանգելսկի մարզի «ադրբեջանական համայնքի ղեկավար» Թառլան Գասիմովը հայտնվել է սկանդալային իրավիճակում: Ինչպես Բաքվի լրատվամիջոցներն են հայտնում, նա Ուկրաինայում «հատուկ ռազմական գործողության», սկզբից ի վեր համագործակցել է տեղի իշխանությունների, ուժային կառույցների հետ:
Լինելով հայտնի գործարար, Գասիմովը «մշտապես եւ անձնական, եւ համայնքի անդամների կողմից հանգանակած դրամական միջոցների հաշվին ֆինանսական աջակցություն է ցուցաբերել Արխանգելսկի մարզից Ուկրաինայում կռվող զինվորականների ընտանիքներին»:

Նա նաեւ ուղղակի ֆինանսներ է հատկացրել Ռուսաստանի կառավարությանը:
Այդուհանդերձ, անցած մայիս ամսին ՌԴ Անվտանգության դաշնակին ծառայությունը Գասիմովի գործունեության վերաբերյալ հավաքած նյութերի հիման վրա որոշում է կայացրել, որ նա Ռուսաստանի ազգային անվտանգությանը «սպառնալիք է ներկայացնում» եւ ներքին գործերի նախարարությանն առաջարկել է նրան զրկել ՌԴ քաղաքացիությունից:
Գասիմովը դատական կարգով բողոքարկել է ՆԳՆ որոշումը, սակայն դատարանը չի բավարարել:

Ներկայումս Գասիմովը հարուցել է դատական երկրորդ հայցը, այս անգամ՝ Անվտանգության դաշնային ծառայության դեմ եւ պահանջում է փաստական ապացույցներ, թե ինչով է ինքը ՌԴ համար սպառնալիք ներկայացնում: Քաղաքացիությունից զրկված Գասիմովը կարող է ՌԴ-ից վտարվել, բայց ո՞ր երկիր՝ հայտնի չէ: Նա Ադրբեջանի քաղաքացի չէ: