Հյուսիսատլանտյան դաշինքի գլխավոր քարտուղար Ենս Ստոլտենբերգը 10 տարի պաշտոնավարելուց հետո կլքի Բրյուսելում գտնվող ՆԱՏՕ-ի կենտրոնակայանը՝ իր տեղը զիջելով Նիդերլանդների նախկին վարչապետ Մարկ Ռյուտեին։
Հանձնման պաշտոնական արարողությունից հետո նրանք ելույթ կունենան կազմակերպության աշխատակիցների առջև։ Այնուհետև Ռյուտեն իր առաջին ասուլիսը կանցկացնի ՆԱՏՕ-ի գլխավոր քարտուղարի պաշտոնում:
Հոլանդացի քաղաքական գործիչը կդառնա դաշինքի 14-րդ ղեկավարը։ Նրա մանդատը հինգ տարի է և կարող է երկարաձգվել։
Ըստ լրատվամիջոցների՝ սպասվում է, որ Ռյուտեն կպահպանի Ստոլտենբերգի առաջնահերթությունները դաշինքում։
Խոսքը վերաբերում է Ուկրաինային աջակցությանը, ՆԱՏՕ-ի երկրների պաշտպանական ծախսերը մեծացնելուն և ԱՄՆ-ին եվրոպական անվտանգության մեջ ներգրավելու խնդրին:
