ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը նախազգուշացրել է, որ Մերձավոր Արևելքում հակամարտության հետագա սրումը կարող է հանգեցնել նավթի գների բարձրացման։
«Բոլորը գիտեն, որ մենք պետք է փորձենք խուսափել հետագա էսկալացիայից», – ասել է նա իսպանական TVE հեռուստաալիքին տված հարցազրույցում` հավելելով, որ Իրանի կողմից լուրջ հարձակում է եղել Իսրայելի վրա, և հայտնի չեն դրա հետևանքները, բացի այդ պետք է ակնկալել, որ Իսրայելը պատասխան կտա։
Դիվանագետի խոսքով՝ դա կարող է «տարածաշրջանը ներքաշել մեծ հակամարտության մեջ, որն էլ բնականաբար կազդի նավթի գների վրա»։
«Նավթի գների բարձրացումը լուրջ հետևանք կլինի,- ասել է նա։
Ամենալուրջը կլինի բացահայտ պատերազմը Իսրայելի և Իրանի միջև, որին անխուսափելիորեն կմիջամտեն ավելի շատ դերակատարներ»:
