Սլովակիան աջակցում է Ուկրաինային Եվրամիությանն անդամակցելու հարցում, սակայն Կիևը պետք է պատրաստ լինի դիմակայելու այն փաստին, որ այլ երկրներ կդանդաղեցնեն այս գործընթացը, երկուշաբթի օրը հայտարարել է Սլովակիայի վարչապետ Ռոբերտ Ֆիցոն։
Երկուշաբթի օրը Ուկրաինայի Ուժգորոդ քաղաքում տեղի է ունենում Սլովակիայի և Ուկրաինայի նախարարների կաբինետների միջև բանակցությունների հերթական փուլը:
«Մենք, անկասկած, աջակցում ենք ձեզ (ԵՄ-ին անդամակցելու հարցում-խմբ.), գիտենք, թե որքան օգտակար կլինի ոչ միայն ձեզ, այլ նաև մեզ համար, եթե մենք ունենանք Եվրամիության անդամ մեկ այլ հարևան երկիր»,- ասել է Ֆիցոն՝ բացելով Սլովակիայի և Ուկրաինայի նախարարների կաբինետների համատեղ նիստը։
