ԱՄՆ իշխանությունները սպառնացել են Թուրքիային անջատել SWIFT միջազգային վճարային համակարգից և դոլարով վճարումներ կատարելուց՝ Ռուսաստանի հետ առևտրի պատճառով, պնդում է թուրքական Vatan կուսակցության փոխնախագահ Հաքան Թոփքուրուլուն։
«Թուրքիան չի կարող հանդես գալ Վաշինգտոնի ճնշման դեմ՝ SWIFT համակարգով և դոլարով միջազգային առևտրի վրա էմբարգո կիրառելու ԱՄՆ սպառնալիքի պատճառով»,- ասել է նա «ՌԻԱ Նովոստի»-ին տված հարցազրույցում։
Թոփքուրուլուն հայտարարել է, որ դրա պատճառով Անկարան ստիպված է կրճատել առևտուրը ռուսական ընկերությունների հետ։
«Թուրքիան իր առևտրային գործողությունների մեծ մասն իրականացնում է ամերիկյան արժույթով»,- նշել է գործակալության զրուցակիցը։