Իտալիայի հավաքականի, «Ինտերի», «Յուվենտուսի» և «Նապոլիի» նախկին ֆուտբոլիստ Ֆաբիո Կանավարոն խոսել է իտալական A սերիայի ընթացիկ մրցաշրջանում չեմպիոնական մրցավազքի մասին:
«Նապոլիի» չեմպիոնությո՞ւնը։ Ժամանակը ցույց կտա։ Նրանք, անշուշտ, ուժեղ թիմ են։ Նույնիսկ անցյալ տարի, երբ նրանք «Ինտերից» հետ էին, ունեին կարևոր արժեքներ, փող էին ծախսում ուժեղ խաղացողների և կարևոր մարզչի վրա: Իհարկե, ամեն ինչ ունեն մինչև վերջ պայքարելու համար։
«Յուվենտուսը» թիմ է, որը շատ է ծախսել, նրանք գաղափարներով մարզիչ ունեն, բայց «Ինտերը» ևս մի քանի առավելություն ունի: Սա զվարճալի առաջնություն կլինի, մենք միայն մրցավազքի սկզբում ենք», – Կանավարոյի խոսքը մեջբերում է Sky Sport Italia-ն։
Իտալիայի առաջնության 7 տուրից հետո մրցաշարային աղյուսակը գլխավորում է «Նապոլին» (16): Երկրորդ տեղում «Ինտերն» է (14)։ Լավագույն եռյակը եզրափակում է «Յուվենտուսը» (13):
