Այսօր՝ հոկտեմբերի 9-ին, Հայաստանի ազգային հավաքականը մեկնել է Ֆարերյան կղզիներ, որտեղ հոկտեմբերի 10-ին ՈւԵՖԱ Ազգերի լիգայի խաղարկության շրջանակում կմրցի Ֆարերյան կղզիների ընտրանու հետ: Այս մասին տեղեկացնում է ՀՖՖ-ի պաշտոնական կայքը։
Հայաստանի ազգային հավաքականի գլխավոր մարզիչ Ալեքսանդր Պետրակովի և հարձակվող Արթուր Սերոբյանի նախախաղային մամուլի ասուլիսը կկայանա Տորսհավնի «Տորսվյոլուր» մարզադաշտի մամուլի ասուլիսների սրահում հոկտեմբերի 9-ին՝ Երևանի ժամանակով 21:30-ին:
Հայաստանի ազգային հավաքականի նախախաղային մարզումը կկայանա հոկտեմբերի 9-ին՝ ժամը Երևանի ժամանակով 22:00-ին «Տորսվյոլուր» մարզադաշտում:
