Տարբեր հարցերի, այդ թվում՝ կլիմայական փոփոխությունների շուրջ Ադրբեջանի վրա ճնշում գործադրելու արևմտյան ուժերի փորձերն անօգուտ են և աննախադեպ. ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան.
«Ադրբեջանի վրա ճնշումներ են եղել բազմիցս և տարբեր հարցերի շուրջ։ Խոսքը միայն ինքնիշխան պետությունների վրա ճնշում գործադրելու անթույլատրելիության սկզբունքային դիրքորոշման մասին չէ, այլ այն մասին, որ կլիմայական փոփոխությունների թեման մասնագետների իրական ներգրավում է պահանջում։
Այն չպետք է լինի հերթական քաղաքական մահակը, որով ԱՄՆ-ն կհարվածի բոլորի գլխին, միայն թե առաջ մղի իր համար ձեռնտու լուծումը։ ԱՄՆ-ի նման մարտավարությունը դասական հնարք է, որը տարեցտարի կրկնվում է COP կլիմայական համաժողովին ընդառաջ։
Մենք նույնը տեսանք 2022թ. Շարմ Էլ Շեյխի համաժողովին ընդառաջ, ապա անցած տարի՝ Դուբայում։ Իսկ այժմ տեսնում ենք, որ շինծու պատրվակով փորձում են մեծացնել Ադրբեջանի վրա ճնշումը»,-ասել է Զախարովան։
