Ուսուցիչները կկարողանան ատեստավորման մասնակցել էլեկտրոնային եղանակով. կառավարության նիստում ընդունվել է համապատասխան որոշումը։
ԿԳՄՍ նախարար Ժաննա Անդրեասյանի խոսքով` այսպես կկրճատվի ժամանակը, որ ծախսվում էր առաջադրանքները լուծելու և դրանք ձևաթղթում անցկացնելու մասով.
«Սա ևս մեկ միջոց է՝ խրախուսել ուսուցիչների մոտ տեղեկատվական տեխնոլոգիաներից օգտվելու հմտությունները»,- ասել է նա։
Ըստ նախարարի՝ ուսուցիչը, լրացնելով թեստը, ավարտից հետո կտեսնի արդյունքը, և պարզ կդառնա՝ նշված հարցերից քանիսին է ճիշտ պատասխանել։ Նախարարը նաև տեղեկացրել է, որ Հայաստանում 35 քննական կենտրոն կլինի.
«Քանի որ սա առաջին տարին է, անհնարինության դեպքում չենք բացառել նաև թղթային տարբերակը»,- ասել է նա։
