Շնորհակալ եմ ձեզ ձեր կատարած ծառայության, ձեր հայրենասիրության համար. Աննա Հակոբյանը՝ ծառայող զինվորներին

«Անցնող շաբաթվա ընթացքում երկու տարբեր այցերով եղել եմ սահմանամերձ գյուղերով, շփվել մեր սահմանը պահող գյուղացիների հետ»:

Այս մասին ֆեյսբուքի իր էջում գրել է ՀՀ վարչապետի տիկին Աննա Հակոբյանը՝ ամբոփելով այցերը եւ տեղադրելով լուսանկարներ.

«Գալով սահմանամերձ բնակավայրեր,այսքան մոտ գտնվելով սահմանին, զինվորներին, ովքեր օր ու գիշեր մեր խաղաղությունն են պահպանում իրենց կյանքի գնով, ես ուղղակի չեմ կարող չգալ և չհետաքրքրվել նրանց որպիսությամբ։ Այցերից Երևան եմ վերադարձել մեծ ոգևորությամբ, նոր լիցքերով ու հերթական անգամ համոզվել եմ, որ հայկական բանակն ամենահզորն է, իսկ հայի ոգին՝ անպարտելի: Մեկ անգամ ասել եմ և հիմա էլ կրկնում եմ՝ դիրքերում մթնոլորտն այլ է: Հարգելի զինվորներ, շնորհակալ եմ Ձեզ ձեր կատարած ծառայության, ձեր հայրենասիրության համար: Ձեր շնորհիվ մենք մեզ զգում ենք ամուր, անվտանգ ու պաշտպանված»,-գրել է Աննա Հակոբյանը: