Հայաստանցի սպառողները աննպատակահարմար են ծախսում վարկային միջոցները. ԿԲ

Այսօր խորհրդարանի «Ֆինանսավարկային եւ բյուջետային հարցերի մշտական հանձնաժողովի նիստում «Վարկային քաղաքականությունը Հայաստանում» թեմայով խորհրդարանական լսումների ժամանակ Հայաստանի Կենտրոնական բանկի Սպառողների իրավունքների պաշտպանության եւ ֆինանսական կրթության կենտրոնի ղեկավար Արմենուհի Մկրտչյանն ասաց.

– Հայաստանի Կենտրոնական բանկը լուրջ մարտահրավեր է համարում, որ սպառողները վարկերն ընկալում են բացառապես որպես դրամական միջոցներ, այլ ոչ թե իրենց վրա վերցված պարտավորություն։ 

Նրա խոսքով՝ խնդիրներից մեկը, որին մշտապես բախվում ենք, սպառողի այն վարքային ընկալումն է, թե վարկավորումն իրականացվում է միայն ֆինանսական հաստատության եւ պետության շրջանակում, եւ ինքը՝ սպառողը, ոչ մի պատասխանատվություն չի կրում այդ պարտավորության համար: Սպառողը հաճախ ավելի շատ հոգում է ներկայի, քան ապագայի մասին, եւ արդյունքում՝ օրինակ, նախընտրում է սպառել այսօր, այլ ոչ թե խնայել երկարաժամկետ հեռանկարի համար։ Մենք նաև տեսնում ենք, որ սպառողները հաճախ վարկային միջոցները ծախսում են աննպատակահարմար»,- պարզաբանել է Մկրտչյանը։