Վրաստանի նախագահ Սալոմե Զուրաբիշվիլին հայտարարել է, որ երկիրը ղեկավարում է «ռուսական կառավարությունը» և մեղադրել է իշխող «Վրացական երազանք» կուսակցությանը հոկտեմբերի 26-ին կայանալիք խորհրդարանական ընտրությունների արդյունքները կեղծելու ցանկության մեջ։
Զուրաբիշվիլին կարծում է, որ «Վրացական երազանք» կուսակցությունը, որն իշխում է 2012 թվականից, քարոզչություն է վարում, որը հիմնված է բևեռացման և ահաբեկման մարտավարության վրա, ինչպես Ռուսաստանում։
«Սրանք սովորական ընտրություններ չեն, այլ ընտրություն եվրոպական ապագայի և ռուսական անցյալի միջև»,-ասել է Զուրաբիշվիլին։
Նրա խոսքով՝ իշխող քաղաքական ուժի գործողությունները հակասում են Վրաստանի եվրաատլանտյան նկրտումներին։
«Վրացական երազանքի» պատգամավորները բազմիցս հայտարարել են, որ նախագահը գործում է ելնելով Արևմուտքի շահերից, աջակցում է արմատական ընդդիմությանը և հանդիսանում է «օտարերկրյա գործակալ» երկրի ներսում։
