Չինաստանը պատրաստակամություն է հայտնել խորացնելու և ընդլայնելու Ռուսաստանի հետ ռազմական կապերը՝ երկու երկրների միջև սերտ, բարձր մակարդակի փոխանակումները պահպանելու համար։
Այս մասին Պեկինում ՌԴ պաշտպանության նախարար Անդրեյ Բելոուսովի հետ հանդիպմանը հայտարարել է ՉԺՀ-ի Կենտրոնական ռազմական խորհրդի փոխնախագահ Չժան Յուսիան։
«Օգտագործելով երկու երկրների միջև դիվանագիտական հարաբերությունների հաստատման 75-ամյակը որպես նոր ելակետ՝ մենք պատրաստ ենք աշխատել Ռուսաստանի հետ՝ շարունակաբար ամրապնդելու և զարգացնելու Չինաստան-Ռուսաստան հարաբերությունները»,- ասել է նա։
Նա հավելել է, որ վերջին տարիներին Չինաստանի և Ռուսաստանի հարաբերությունները հասել են պատմության ամենաբարձր մակարդակին։
