Պուտինն առողջական խնդիրներ չունի. Պեսկով

Վլադիմիր Պուտինն առողջական խնդիրներ չունի, իսկ Կենտրոնական կլինիկական հիվանդանոցում նրա պարբերական հետազոտությունները ընդամենը ստանդարտ դիսպանսերացում են։ Այս մասին ՏԱՍՍ-ին տված հարցազրույցում հայտնել է ՌԴ նախագահի մամուլի քարտուղար Դմիտրի Պեսկովը։

«Անշուշտ, նկատի է առնվում սովորական դիսպանսերացումը»,- ասել է նա։

Հոկտեմբերի 16-ին կառավարության հետ խորհրդակցությանը Պուտինը նշել է, որ պարբերաբար բուժզննում է անցնում Կենտրոնական կլինիկական հիվանդանոցում։ Այս մասին նա ասել է հանրապետության ողջ տարածքում իրականացվող սեզոնային գրիպի դեմ պատվաստումների քննարկման համատեքստում։

Նա նշել է, որ Կենտրոնական կլինիկական հիվանդանոցի բժիշկները խորհուրդ են տալիս պատվաստումների համար օգտագործել հայրենական դեղամիջոցներ։

Բրիտանական Daily Mirror տաբլոիդը, հղում անելով ԱԴԾ-ի աղբյուրին, ավելի վաղ հայտնել էր, որ Պուտինն ունի «արագ զարգացող քաղցկեղի ծանր ձև». նա տառապում է տեսողության կորստից, գլխացավերից և ձեռքերի դողից:

Նմանատիպ տեղեկություն է հայտնվել New Lines Magazine ամսագրի հոդվածում, որտեղ անանուն ռուս օլիգարխը հաստատել էր, որ ՌԴ նախագահը լուրջ առողջական խնդիրներ ունի՝ կապված արյան քաղցկեղի հետ։