Զելենսկին մեկնում է Բրյուսել

Ուկրաինայի նախագահ Վլադիմիր Զելենսկին հայտարարել է, որ մեկնում է Բրյուսել՝ մասնակցելու Եվրախորհրդի նիստին։

Նա նաև հայտնել է, որ կներկայացնի «Հաղթանակի ծրագիրը»։

Զելենսկին մտադիր է հանդիպել Եվրախորհրդարանի ղեկավար Ռոբերտա Մեցոլայի և Եվրախորհրդարանի քաղաքական խմբերի ղեկավարների հետ։

Հանդիպում կանցկացվի նաև ՆԱՏՕ-ի գլխավոր քարտուղար Մարկ Ռյուտեի հետ։

Բացի այդ, նախապատրաստվում է պաշտպանության նախարարների մակարդակով Ուկրաինա-ՆԱՏՕ խորհրդի նիստը։