Միջազգային հանրությունը պետք է խուսափի Ադրբեջանում կայանալիք COP29 կլիմայական գագաթնաժողովից, եթե դրան մասնակցի Ռուսաստանի նախագահ Վլադիմիր Պուտինը․ POLITICO-ին ասել է ԵՄ-ում Ուկրաինայի դեսպան Վսեվոլոդ Չենցովը․
«Մենք պետք է ճնշում գործադրենք, և մեր գործընկերները պետք է հասկացնեն Ադրբեջանին, որ եթե Պուտինը այնտեղ է, ապա նրանք չեն գա»,-ասել է Չենցովը։
Ավելի վաղ Կրեմլում հայտնել են, որ Պուտինը դիտարկում է գագաթնաժողովին մասնակցելու հնարավորությունը։
Չենցովը նշել է, որ Պուտինի կալանավորման հրամանը պետք է բավարար լինի մեծ դիվանագիտական միջոցառմանը Պուտինի ներկայությունը խափանելու համար։
Ուկրաինան հորդորել է Բրազիլիային, որը հաջորդ ամիս կհյուրընկալի G20-ի գագաթնաժողովը, ձերբակալել Ռուսաստանի նախագահին։
ԵՄ բարձրաստիճան պաշտոնյան POLITICO-ին ասել է, որ Կրեմլը չպետք է խափանի կլիմայի հարցով կարևոր միջոցառումը, որի կազմակերպիչները հուսով են, որ նոր, ավելի հավակնոտ ֆինանսական նպատակ կստեղծի զարգացող երկրներին օգնելու կլիմայի փոփոխության դեմ պայքարում:
