ԱՄՆ նախագահ Ջո Բայդենը հայտարարել է Ուկրաինային 425 միլիոն դոլարի ընդհանուր ծավալով սպառազինության նոր փաթեթ հատկացնելու մասին՝ ներառյալ հակաօդային պաշտպանության լրացուցիչ համակարգերը։
Այս մասին ասվում է Սպիտակ տան մամուլի ծառայության հայտարարության մեջ, որը տարածել է ամերիկացի առաջնորդի և Ուկրաինայի նախագահ Վլադիմիր Զելենսկու զրույցը։
«Այսօր նախագահը հայտարարեց Ուկրաինային 425 միլիոն դոլար արժողությամբ ռազմական օգնության փաթեթի մասին, որը ներառում է հավելյալ հակաօդային պաշտպանության միջոցներ, զրահատեխնիկա և կարևոր զինամթերքներ, որոնք անհրաժեշտ են Ուկրաինայի անմիջական կարիքները բավարարելու համար»,- ասվում է Սպիտակ տան հայտարարության մեջ: