Հայկական արմատներով ռուսաստանցի թենիսիստ Կարեն Խաչանովը երկրորդ հաղթանակը տոնեց «Almaty open»-ում:
Ղազախստանի Ալմաթի քաղաքում ընթացող մրցաշարի տղամարդկանց մենախաղի երկրորդ շրջանում Կարեն Խաչանովը մրցեց Ֆինլանդիան ներկայացնող Օտտո Վիրտանենի հետ: Մոտ 1,5 ժամ ձգված մրցախաղում Խաչանովն առավելության հասավ երկու սեթում` 7:6, 7:6 հաշվով:
Կարեն Խաչանովը պրոֆեսիոնալ թենիսիստների ասոցիացիայի (ATP) վարկանիշային աղյուսակում 26-րդն է:
Նա 4 անգամ հաղթել է միջազգային ֆեդերացիայի հովանու ներքո անցկացվող մրցաշարում: Նա Տոկիոյի 32-րդ ամառային Օլիմպիական խաղերի արծաթե մեդալակիր է:
Հայկական արմատներով ռուսաստանցի թենիսիստի լավագույն արդյունքը եղել է 2019 թվականին, երբ նա հասել է Rolan-Garros-ի քառորդ եզրափակիչ և 2021 թվականին՝ դարձյալ քառորդ եզրափակիչ Ուիմբլդոնում, իսկ 2022-ին նա հասավ US Open-ի կիսաեզրափակիչ:
2023 թվականին էլ Խաչանովը դուրս մնաց AusOpen-ի կիսաեզրափակչից:
