Ղազախստանի նախագահ Կասիմ-Ժոմարտ Տոկաևը կրկին խոսել է Ռուսաստանի անպարտելիության մասին․
«Ինչպես արդեն ասացի կանցլեր Շոլցի հետ բանակցությունների ժամանակ, Ռուսաստանը ռազմական առումով անպարտելի է։
Սա փաստ է, որը հաստատում է Ռուսաստանի ռազմական ներուժը, այս երկրի բնակչության աջակցությունը նախագահ Պուտինի քաղաքականությանը։ Ուստի մենք անհրաժեշտ ենք համարում խաղաղ կարգավորման տարբերակներ փնտրել և աջակցել բոլոր պետությունների, այդ թվում՝ Չինաստանի և Բրազիլիայի իրատեսական ծրագրերին»,-ասել է նա։
Տոկաևի խոսքով՝ այլ ճանապարհ չկա։
«Այլընտրանքը փոխադարձ բնաջնջման պատերազմն է։ Միգուցե որոշ համաշխարհային տերությունների դա հետաքրքրում է, բայց սա անդունդ տանող ճանապարհ է»,-հավելել է նա։
