Վրաստանը կարող է կորցնել Եվրամիության ամբողջ ֆինանսական օգնությունը, եթե երկրի իշխանությունները չփոխեն իրենց կուրսը և նորից չսկսեն մերձեցումը համայնքի հետ։ Այս մասին լրագրողներին ասել է Վրաստանում ԵՄ դեսպան Պավել Գերչինսկին։
«Վրաստանն արդեն կորցրել է 121 միլիոն եվրո օգնություն, և դա վերաբերում է միայն ընթացիկ օգնության ծրագրերին: Եթե կառավարության հետագիծը չփոխվի, ցավոք, Վրաստանն ավելի ու ավելի շատ կկորցնի: Եթե վրացիները ընտրություններում որոշեն չշարունակել իրենց ճանապարհը դեպի Եվրոպական միություն, Վրաստանը կկորցնի ամեն ինչ՝ սկսած ֆինանսական օգնությունից»,- ասել է Գերչինսկին։