Ֆրանսիայի նախագահ Էմանուել Մակրոնը մեկնաբանել է Եվրամիության գագաթնաժողովից հետո Եվրոպական խորհրդի հրապարակած հայտարարությունը Վրաստանում ստեղծված իրավիճակի վերաբերյալ։
«Մենք մտահոգություն հայտնեցինք Վրաստանում տիրող իրավիճակի վերաբերյալ, որտեղ կառավարության ձեռնարկած քայլերն իրականում հանգեցնում են անդամակցության գործընթացի կասեցմանը», – ճեպազրույցում ասել է Ֆրանսիայի նախագահը։
Նա հավելել է, որ վրաց ժողովուրդը մի քանի օրից պետք է կատարի իր ընտրությունը։
Խոսելով Մոլդովայի մասին՝ Մակրոնն ասել է, որ երկիրը նախագահական ընտրություններից առաջ «գտնվում է Ռուսաստանի կողմից իրականացվող հիբրիդային գործողությունների ազդեցության տակ»։
