ԱՄՆ պետքարտուղար Էնթոնի Բլինքենը Իսրայել է ժամանել Մերձավոր Արևելք կատարած շրջագայության շրջանակում, հայտնում է AFP-ն։ Բլինքենը կհանդիպի Իսրայելի վարչապետ Բենիամին Նեթանյահուի հետ։
Պետքարտուղարն ակնկալում է վերսկսել բանակցությունները Գազայի հատվածում պատերազմի ավարտի և պատանդների ազատ արձակման, ինչպես նաև Լիբանանում հակամարտությունը լուծելու շուրջ։
Էնթոնի Բլինքենի շրջագայությունը կտևի հոկտեմբերի 21-25-ը, հաղորդել է Պետդեպարտամենտը:
ԱՄՆ-ը վստահ է, որ այս ուղևորությունը կօգնի առաջ մղել Գազայում հրադադարի շուրջ բանակցությունները, երեկ ճեպազրույցում ասել է Պետդեպարտամենտի մամուլի ծառայության ղեկավարի տեղակալ Վեդանտ Պատելը։